132                                                   REGISTRES DU BUREAU                                               [i5o7]
CCXXIIet CCXXIIL — Jurez ESTARLIZ POUR FERE LAD. PRISEE DE MAISONS1 '.
12 août et jours suivants 1507. (Fol. -68 v°.)
Et le jeudi xnc jour dud. mois d'Aoust oud. an, mesd. s" ies commisseres se transportèrent, àla re­queste de Mess™ de la Ville et Procureur d'icelle, en Marché Palu, et illec firent venir et appeller les proprietaires et locatifz des maisons de lad. rue, ausquelz ilz récitèrent qu'ilz estoient là venuz pour mettre à excecucion le contenu en lad. requeste, de laquelIe fut faicte lecture, et que pour faire la prisée ilz avoient commis et commettoient Laurens de Bucy, Jehan Petit, Jaques Courbet, Noel Bizeau, maçons; Didier Gobert et Jehan Guythart, charpen-liers jurez duRoynosIres0, es offices de maçonnerie et charpenterie, tous là presens. Disans iceulx com­missaires ausd, proprietaires, s'il y avoit aucun desd, jurez qui ne leur fut agreable, qu'ilz le dissent, et on leur en bailleroit d'autres; lesquelz proprietaires respondirent qu'ilz ne vouloient point empescher l'ordonnance de la Court et qu'ilz tenoient lesd, jurez pour gens de bien et consentoient qu'ilz feissent ce qui leur estoit ordonné.
Et lors mesd. srs les commissaires feirent, en la presence desd, proprietaires, jurer lesd, maçons et charpentiers de bien et deuement visiter lesd, mai­sons, en faire la prisée et leur rapport le plus jus­tement et loyaulment qu'ilz pourroient sans affection de partie; ce qu'ilz jurèrent et promirent faire.
Et ce fait, commancerent lesd, jurez à visiter et priser lesd, maisons; et premierement la maison joignant à l'Ostel Dieu de Paris, appartenant à Mess™ de la Saincte Chappelle, en laquelle demeure ung lanternier; et conséquemment les autres de ce costé en tirant jusques au pont Nostre Dame, et retour­nant dud. pont du costé opposite jusques au coing de la rue de la Juyrie qui fait le carrefour de Marché Palu et non plus avant; car là finist de ce costé led. eslargissement.
Rapport de lad. prisée.
De laquelle visitacion et prisée lesd, jurez ont fait leur rapport en la maniere qui s'ensuit :
"A nobles hommes et saiges noz trés honnorez sei­gneurs, noss" maistres Simon Radin et Jehan de La Haye, conseillers duRoy nostre sc en sa Court de Par­lement et commissaires de par icelle en ceste partie :
Laurens de Bussy, Jehan Petit, Jaques Courbet, Noel Bizeau, maçons; Didier Gobert et Jehan Guy tart, charpentiers jurez du Roy nostred. s° es offices de maçonnerie et charpenterie : honneur, service et reverence avec toute obeyssance.
"Noz trés honnorez seigneurs, plaise vous savoir que, de vostre commandement à nous fait par vertu et en ensuivant certain arrest de lad. Court, le jeudi xne jour d'Aoust et autres jours ensuivans l'an mil cinq cens et sept, nous nous sommes transportez es maisons estans sur rue depuis le bout du pont Nostre Dame du costé Sainct Denis de la Chartre jusques au portail de l'Ostel Dieu de Paris près le petit Chas­tellet, et du costé opposite d'icelle rue depuis led. bout du pont jusques au coing de la rue de la Juyfrye finissant sur le carrefour du Marché Palu, pour veoir et visiter lesd, maisons et les priser et estimer tant, à savoir combien d'argent contant elles pevent valoir pour une fois, en l'estat ct disposicion qu'elles sont de present; comme pour priser et estimer l'indemp-nité et dommaige que pevent avoir les proprietaires et detenteurs desd, maisons, à cause de la diminucion de la terre et place qui sera prinse en ct sur icelles maisons pour le retranchement et recoupement des pans, pignons sur rue et porcion des édiffices d'icelles qu'il convient faire selon led. arrest, et en ensuivant les allignemens sur ce faiz et baillez pour l'augmen­tation et eslargissement de lad. rue, depuis led.pont Nostre Dame jusques aud. Hostel Dieu; et pour priser et estimer aussi combien pourront couster à faire lesd, demolicions et retranchement desd, pans et pignons et porcion desd, édiffices d'icelles mai­sons, et à reffaire et restablir tout ce qu'il conviendra pour ce faire depuis le rez de chaussée en amont seullement, tant en maçonnerie, charpenterie et couverture que en menuyserie, ferronnerie, voirrerie et autrement.
Lesquelles maisons, en la presence de honnorable et saige maistre Jehan Hesselin, Clerc et Greffier de la ville de Paris, Jehan de Felin et Bastian de Cau­mont, maistre des euvres de maçonnerie et charpen­terie de lad. Ville, et des proprietaires, locatifz et demourans esd. maisons, nous avons veues et visi­tées , ainsy qu'il appartient, aux fins que dessus ; et
O Pour une plus complète intelligence de ce rapport, important pour l'étude de la topographie de la Cité, le lecteur devra se reporter aux art. CVIII et XXII ci-dessus.